ከ41 ቢሊዮን ብር በላይ ለክልሎች እና ከተማ አስተዳደሮች የገቢ ትልልፍ ተደርጓል -ክብርት ወ/ሮ አይናለም ንጉሴ (የገቢዎች ሚኒስትር)

የፌዴራል፣ የክልሎች እና የከተማ አስተዳደሮች የገቢ ዘርፍ ተቋማት የጋራ የውይይት መድረክ እየተካሄደ ነው፡፡

የፌዴራል፣ የክልሎች እና የከተማ አስተዳደሮች የገቢ ዘርፍ ተቋማት 2014 በጀት ዓመት ዕቅድ አፈጻጸም እና 2015 በጀት ዓመት እቅድ የጋራ ውይይት መድረክ በቢሾፍቱ ከተማ እየተካሄደ ይገኛል፡፡

በመድረኩ ላይ ተገኝተው የመክፈቻ ንግግር ያደረጉት የገቢዎች ሚኒስትር / አይናለም ንጉሴ 2014 በጀት ዓመት በሀገር አቀፍ ደረጃ 497.45 ቢሊዮን ብር ለመሰብሰብ ታቅዶ ብር 481.71 ቢሊዮን ብር መሰብሰብ መቻሉን ገልጸው 2015 በጀት ዓመትም በሀገር አቀፍ ደረጃ 646.75 ቢሊዮን ብር ለመሰብሰብ እቅድ ተይዟል ብለዋል፡፡

ሚኒስትሯ አክለውም የገቢዎች ሚኒስቴር የፌደራል እና የክልል መንግስታትን የጋራ ገቢን እና በውክልና የሚሰበሰቡ ታክሶችን ሰብስቦ ለክልሎች የሚያስተላልፍ መሆኑን አንስተው 2014 በጀት ዓመት 34.69 ቢሊዮን የጋራ ገቢ እና 6.325 ቢሊዮን የውክልና ታክሶችን በመሰብሰብ በጥቅሉ 41.02 ቢሊዮን ለክልሎች ማስተላለፉን አንስተዋል:: 

2014 በጀት ዓመት እቅድ ክንውን እና 2015 በጀት ዓመት እቅድ ትውውቅ በተጨማሪ የታክስ ከፋዮች ትምህርት እና የሞጁላር ስልጠና ምንነት እና ጠቀሜታ ላይ፣ የታክስ ውሳኔ ቅሬታ አፈታት በተመለከተ እና የተገልጋዮች ቻርተር ዝግጅት እና ትግበራ የተመለከተ የልምድ ልውውጥ እና ውይይት በቀጣይ ከመድረኩ የሚጠበቁ የመወያያ ርዕሰ ጉዳዮች መሆናቸውን ሚኒስትሯ ጠቁመዋል፡፡   

.

በብዛት የተነበቡ ዜናዎች

  • "ከፍተኛ ግብር ከፋዮች የታክስ ህግን በማክበርና የልዕቀት ማዕከል በመሆን አርአያ ሊሆኑ ይገባል" የገቢዎች ሚኒስትር አቶ ላቀ አያሌው Fri, 29 Oct 2021
"ከፍተኛ ግብር ከፋዮች የታክስ ህግን በማክበርና የልዕቀት ማዕከል በመሆን አርአያ ሊሆኑ ይገባል" የገቢዎች ሚኒስትር አቶ ላቀ አያሌው
  • 10 ሺህ ተጠቃሚዎች ወደ አንድ መሰኮት አገልግሎት ስርዓት ማስገባት ተችሏል Fri, 29 Oct 2021
10 ሺህ ተጠቃሚዎች ወደ አንድ መሰኮት አገልግሎት ስርዓት ማስገባት ተችሏል