“ታማኝ ግብር ከፋዮች በሀገራችን ላይ እያኖራችሁት ያለው አሻራ ከፍተኛ እና ትውልድ የማይዘነጋው በጎ ተግባር ነው ” -ወ/ሮ አይናለም ንጉሤ (የገቢዎች ሚኒስትር)

Nested Applications

Asset Publisher

null “ታማኝ ግብር ከፋዮች በሀገራችን ላይ እያኖራችሁት ያለው አሻራ ከፍተኛ እና ትውልድ የማይዘነጋው በጎ ተግባር ነው ” -ወ/ሮ አይናለም ንጉሤ (የገቢዎች ሚኒስትር)

የአራተኛው ዙር የፌደራል ግብር ከፋዮች እውቅና እና ሽልማት ሥነ-ስርዓት በትላንትናው እለት የኢፌዲሪ ፕሬዝዳንት ክብርት ወ/ሮ ሣህለወርቅ ዘውዴ፣ የገቢዎች ሚኒስትር ወ/ሮ አይናለም ንጉሴ፣ የጉምሩክ ኮሚሽነር አቶ ደበሌ ቃበታ እና ሌሎች ከፍተኛ የመንግስት የስራ ኃላፊዎች እና ተጋባዥ እንግዶች በተገኙበት በሸራተን አዲስ ሆቴል ተካሂዷል፡፡
በእውቅና እና ሽልማት በመርሃ ግብሩ ላይ ንግግር ያደረጉት የገቢዎች ሚኒስትር ወ/ሮ ዓይናለም ንጉሴ ታማኝ ግብር ከፋዮች ግብራችሁን በታማኝነትና በወቅቱ በመክፈል በሀገራችን ሁለንተናዊ ዕድገት ላይ እያኖራችሁት ያለው አሻራ ከፍተኛ እና ትውልድ ሁሌም የሚዘክረው በጎ ተግባር ስለሆነ አጠናክራችሁ ልትቀጥሉ ይገባል ብለዋል፡፡ በተቃራኒው በግብር መሰወርና ማጭበርበር ተግባር ውስጥ ያላችሁ የንግዱ ማህበረሰብ ክፍል ደግሞ ለህሊናችሁና ለሀገራችሁ ታምናችሁ ወደ ህጋዊ ስርዓቱ ልትመለሱ ይገባል ሲሉ በአፅዕኖት አሳስበዋል፡፡
ሚኒስትሯ አክለውም ኢኮኖሚው የሚያመነጨውን ገቢ በሀገር ፍቅር ስሜት እና በወቅቱ መክፈል ከድህነት ለመውጣት የያዝነውን ቀጠሮ ማሳጠር ስለሆነ ሁሉም ግብር ከፋይ የህይወቱ መርህ ሊያደርገው ይገባልም ብለዋል፡፡
በእውቅና እና ሽልማት መርሐ-ግብሩ 400 ታማኝ ግብር ከፋዮች የተሸለሙ ሲሆን ከእነዚህ መካከል 40 የሚሆኑት የፕላቲኒየም፣ 120 የወርቅ እና 240 ደግሞ የብር ተሸላሚዎች ሆነዋል። 14 ግብር ከፋዮች ደግሞ ለሦስት ተከታታይ ጊዜ ተሸላሚ በመሆን ልዩ ተሸላዎች ሲሆኑ አንድ ግብር ሙስናና ብልሹ አሰራርን በማጋለጥ ተሸላሚ ሆኗል፡፡
መሰረታዊ የግብር ከፋይ መረጃ፣ ታክስ ማሳወቅ፣ የግብር ከፋዩ የቅጣት ታሪክ፣ የኦዲት ግኝት ልዩነት፣ የግብር/ታክስ ስሌት ልዩነት እና ሌሎች በድምሩ 12 የሚሆኑ መስፈርቶች ደግሞ ታማኝ ግብር ከፋዮችን ለመመረጥ ጥቅም ላይ የዋሉ መስፈርቶች ናቸው፡፡

Asset Publisher

Asset Publisher

ዜና

  • የገቢዎች ሚኒስቴር ሚኒስትር ተሾሞለታል (ነሐሴ 13/2014 ዓ.ም) Wed, 2 Nov 2022
የገቢዎች ሚኒስቴር ሚኒስትር ተሾሞለታል (ነሐሴ 13/2014 ዓ.ም)
  • የታቀደው ገቢ እንዲሰበሰብ ተግቶ መሥራት እንደሚገባ ተጠቆመ Tue, 1 Nov 2022
የታቀደው ገቢ እንዲሰበሰብ ተግቶ መሥራት እንደሚገባ ተጠቆመ
  • በመጀመሪያ ሩብ ዓመት ከ93 ቢሊየን ብር በላይ ተሰብስቧል Tue, 1 Nov 2022
በመጀመሪያ ሩብ ዓመት ከ93 ቢሊየን ብር በላይ ተሰብስቧል

የኤሌክትሮኒክስ ታክስ የማስታወቂያ ዘዴ /E-tax/ ማሻሻያ የተደረገባቸው የታክስ ማስታወቂያ ቅፆች

Asset Publisher

Nested Applications

Asset Publisher

.