የገቢዎች ሚኒስቴር ከተጨማሪ ሦስት ባንኮች እና ከኢንፎርሜሽን መረብ ደህንነት አስተዳደር ጋር የሶስትዮሽ የአገልግሎት አሰጣጥ ስምምነት ተፈራረመ

Nested Applications

Asset Publisher

null የገቢዎች ሚኒስቴር ከተጨማሪ ሦስት ባንኮች እና ከኢንፎርሜሽን መረብ ደህንነት አስተዳደር ጋር የሶስትዮሽ የአገልግሎት አሰጣጥ ስምምነት ተፈራረመ

የገቢዎች ሚኒስቴር የኤሌክትሮኒክስ የግብር ክፍያ ስርዓትን ለማስፋፋትና ከተለያዩ ባለድርሻ አካላት ጋር ተቀናጅቶ ለመስራት ከዓባይ ባንክ፣ ከአንበሳ ኢንተርናሽናል ባንክ እና ከንብ ኢንተርናሽናል ባንክ እንዲሁም ከኢንፎርሜሽን መረብ ደህንነት አስተዳደር ጋር የሦስትዮሽ የአገልግሎት አሰጠጥ ስምምነት በዛሬው ዕለት ተፈራርሟል፡፡ ይህም ሚኒስቴሩ ስምምነት የተፈራረማቸውን ባንኮች ቁጥር ወደ 15 ከፍ አድርጎታል፡፡

ስምምነቱን የገቢዎች ሚኒስትር ክብርት / ዓይናለም ንጉሴ፣ የኢንፎርሜሽን መረብ ደህንነት አስተዳደር ዋና ዳይሬክተር አቶ ሰለሞን ሶካ፣ የአባይ ባንክ ፕሬዘዳንት አቶ የኋላ ገሰሰ፣ የአንበሳ ኢንተርናሽናል ባንክ ፕሬዘዳንት አቶ ዳንኤል ተከስተ እና የንብ ኢንተርናሽናል ባንክ ፕሬዘዳንት አቶ ገነነ ሩጋ ተፈራርመዋል፡፡

በስምምነቱ ንግግር ያደረጉት የገቢዎች ሚኒስትር ክብርት / ዓይናለም ንጉሴ  ሀገራችን እየተጓዘችበት ያለውን የዲጂታል ትራንስፎርሚሽን መንገድ በመከተል እና አሰራራችንን በቴክኖሎጂ የታገዘ በማድረግ በወረቀት ላይ የተመሰረቱ የስራ ፍሰቶችን ወደ ዲጂታል ማህደሮች የመቀየር ብሎም አገልግሎቶችን በበየነ መረብ በመታገዝ መስጠት የምንችልበትን አቅም እያጎለበትን እናገኛለን ብለዋል፡፡

ሚኒስትሯ አክለውም ይህ የዲጂታል ገቢ አስተዳደር ስርዓት ግልፅ፣ ቀላልና ተደራሽ አገልግሎት በመስጠት፣ የህግ ተገዥነትን በማሳደግና አስተዳድራዊ ወጪን በመቀነስ እንዲሁም የተገልጋዩን እርካታ በላቀ ደረጃ በማረጋገጥ የተቋሙን ተልዕኮ ለማሳካት የሚያግዝ ነው ብለዋል፡፡ ግብር ከፋዮችም ይህንን በቴክኖሎጂ የታገዘ  ስርዓት በመጠቀም ግብራቸውን  አሳውቀው እንዲከፍሉ ሚኒስትሯ ጥሪ አቅርበዋል፡፡

የኢንፎርሜሽን መረብ ደህንነት አስተዳደር ዋና ዳይሬክተር አቶ ሰለሞን ሶካ አገራችን የምትሰበስበው ገቢ በሳይበረኞች እናዳይመዘበር እና ግብር ከፋዮች ግብራቸውን በኤሌክትሮኒክስ የግብር ክፍያ ስርዓት አማካኝነት ሲከፍሉ የትልልፍ ሂደቱን ደህንነት ለመጠበቅ የኢንፎርሜሽን መረብ ደህንነት አስተዳደር  በትኩረት እንደሚስራ ገልፀዋል፡፡

የባንኮች ፕሬዘዳንቶች በበኩላቸው ግብር ከፋዮች በኤሌክትሮኒክስ ዘዴ የፈፀሙትን ግብር ወደ ሚኒስቴሩ አካውንት በፍጥነት በማስተላለፍ የግብር አሰባሰብ ስርዓቱ የተቀላጠፈ እንዲሆን ለማድረግ የበኩላቸውን ሚና እንደሚወጡ አረጋግጠዋል፡፡

Asset Publisher

Asset Publisher

ዜና

  • የጉምሩክ ኮሚሽን ያከናወናቸው የለውጥ ተግባራት ለሌሎች ሴክተር መ/ቤቶች ምሳሌ የሚሆኑ ናቸው ወ/ሮ ዓይናለም ንጉሴ (የገቢዎች ሚኒስትር) Fri, 23 Sep 2022
የጉምሩክ ኮሚሽን ያከናወናቸው የለውጥ ተግባራት ለሌሎች ሴክተር መ/ቤቶች ምሳሌ የሚሆኑ ናቸው ወ/ሮ ዓይናለም ንጉሴ (የገቢዎች ሚኒስትር)
  • ከ41 ቢሊዮን ብር በላይ ለክልሎች እና ከተማ አስተዳደሮች የገቢ ትልልፍ ተደርጓል -ክብርት ወ/ሮ አይናለም ንጉሴ (የገቢዎች ሚኒስትር) Fri, 23 Sep 2022
ከ41 ቢሊዮን ብር በላይ ለክልሎች እና ከተማ አስተዳደሮች የገቢ ትልልፍ ተደርጓል -ክብርት ወ/ሮ አይናለም ንጉሴ (የገቢዎች ሚኒስትር)
  • የገቢዎች ሚኒስቴር ከተጨማሪ ሦስት ባንኮች እና ከኢንፎርሜሽን መረብ ደህንነት አስተዳደር ጋር የሶስትዮሽ የአገልግሎት አሰጣጥ ስምምነት ተፈራረመ Fri, 23 Sep 2022
የገቢዎች ሚኒስቴር ከተጨማሪ ሦስት ባንኮች እና ከኢንፎርሜሽን መረብ ደህንነት አስተዳደር ጋር የሶስትዮሽ የአገልግሎት አሰጣጥ ስምምነት ተፈራረመ

የኤሌክትሮኒክስ ታክስ የማስታወቂያ ዘዴ /E-tax/ ማሻሻያ የተደረገባቸው የታክስ ማስታወቂያ ቅፆች

Asset Publisher

Nested Applications

Asset Publisher

.